މިއަދަކީ މުޅިދުނިޔޭގަވެސް މުސްލިމުން އުފައު ފާޅުކުރަމުން އަންނަދުވަހެއް.

އަޅުގަނޑުމެން ނައް ކަންތައް ފަސޭހަކޮއްދިނުމަށް ދިވެހި ސަރުކާރުން ބޮޑެތި ޚަރަދު ކުރުމައް ފަހު އެންބެސީއެއް ގެ ކުލަ މިއަހަރުގެ މަސްތަކެއް ކުރިން ވަނީ އިސްލާމްއާބާދުގައި ހުޅުވާފައެވެ. އެންބަސީއިން ލިބޭ ފަސޭހަ އެއް އަޅުގަނޑުމެންނަށް އެގިގެންނުވެއެވެ. ކުރީގައި އަޅުގަނޑުމެން ވިސާ އާކުރުމާއި މިފަދަ ކަންތައް ކުރުމަށް ބޭނުން ވާހިނދު އަޅުގަނޑުމެން ނައް މާފަސޭހައިން ކަންތައް ވެގެންދެއްވެ. މިހާރުވެގެންދަނީ އެއީ ބައްޔެއް ކަމެވެ. ދިގު އެއްގައުމު އަނެއްގައުމު ގެ ސިޔާސީގުޅުން ހަމައެކަނި ބަދެހިކުރުމައްގާއިމުކުރެވި ފައިވާ ތަނެއްނަމަ އަޅުގަނޑުމެން އެވާހަކަތަކުރާރު ކުރުމުގެ ބޭނުމެއްނެތެވެ. އެގާރަކުދިން ކިޔަވަމުން ދާއިސްލާމްއާބާދުގައި އަންނަ ކޮންމެ އުފާވެރި ދުވަސް ތަކުގައި ދިވެހިންނަށް ވަނީ ބަޑުހައި ހޫނު ތަހަންމަލު ކުރަންޖެހިފައެވެ. ކިޔަވަން ބޭރުގައުމުތަކައް ދާހުރިހާ ކުދިންނަކީ މާފުއްދުންތެރިބައެއް ނޫނެވެ. އެއްމަސް ދުވަހުގައި ގެއިން ފައސާލިބިއްޖެނަމަ އަނެއް މަސްދުވަހު ވަނީ ފައިސާގެ އެހީތެރި ކަމެއް ނުލިބިފައެވެ. ގައުމުގެ މުސްތަގުބަލު އުޖާލާކުރުމައް އަޒުމުކަނޑައަޅައިގެން ދިވެހިންނަށް ޚިދުމަތެއް ކޮއްދިނުމުގެ ނިޔަތުގައި ވާ އެތައް ކިޔަވާކުދިން މިކަމުގައި ދުވަސްތައްގުނަމުންދެއެވެ. އިސްލާމް އާބާދުގެ އާދަކާދަތަކުގެ ތެރެއިން އީދު ޗުއްޓީ، ސަމަރ ޗުއްޓީ ތިންމަސް، ރަމަޟާން މަހުގެ ފަހު ދިހަ މިއީ ބަނދު ދުވަސްތަކެވެ. ރިޒުގުވެސް އުނދަގުލުން ނުނީ ހާސިލެއް ނުވެއެވެ. މިކަހަލަ ދުވަސްތަކުގައި ކެއުމަށް ހަމަޖެހިފައިވާ ހުރިހާތަންތަން ބަންދުވެއެވެ. ހަތަރު ފަސް ސަތޭކަ ރުފިޔާ ޚަރަދު ކުރުމައް ފަހު އެއްވަގުތެއްގެ ކެއުން ލިބިދާނެއެވެ. އެ ފަދަ ފުއްދުން ތެރި ބަޔެއްނަމަ ފަކިސްތާނު ފަދަ ގައުމަކައް ކިޔެވުމުގެ ނިޔަތުގައި އައުމަކީ ދިވެހިން ގެންގުޅޭ ހިޔާލެއްނޫނެވެ. ދިވެހި އެންބަސީ ފިޔަވާ ޕާކިސްތާނުގައި ވާ އެހެން ގައުމުތަކުގެ އެންބަސީތަކުން އެގައުމުތަކުގެ ކުދިންނަށް މިފަދަ ދުވަސްތަކާއި މެދުވެރިކޮށް އެހީވުމަށް ހާއްސަ ޕްރޮގްރާމްތަކެއް ކުރިޔަށްގެންދެއްވެ. އަޅުގަނޑުމެންނަށް ވިސްނޭގޮތުގައި ސިޔާސީ ގުޅުން ބަދަހި ކުރުމުގެ މަގްސަދެއްގައި އެންބަސީ ނުވަތަ އޮފީސްތައް ހުޅުވިފައި ވާނަމަ ޤައުމުގެ ރައްޔިތުންނަކީ ސިޔާސަތު ގެ އަސްލެވެ. މިކަމުގައި ޒިންމާނަގާނީ ކޮންބައެއްބާ؟ ވޭތުވެގެންދިޔަ ސަރުކާރުންވަނީ ފަރުދުންގެ މިފަދަ ކަންތަކައް ފަރުވާކުޑަ ކޮއްފައެވެ. މިއަދުގެސަރުކާރުން މިފަދަ ކަންކަމާ ވިސްނަމުން ދާތީ އަޅުގަނޑުމެންގެ ހިތާމައިގައި ސަރުކާރު ހިއްސާކުރަންބޭނުމެވެ.

'ހަވީރު' ނޫހުގެ ލިޔުންތެރިންނަށް ވެވޭ ޙަމްދަރްދީ

'ހަވީރު' ނޫހަކީ އަޅުގަނޑުމެން އެންމެންވެސް ދަންނަ ނޫހެކެވެ. މި ދިޔަ ދެތިން އަހަރު ނޫނީ 'ހަވީރު' ނޫހަކީ މިދިޔަ 30 އަހަރަށް އަހަރު ދުވަހުގެ ތެރޭގައި ރާއްޖޭގައި އެންމެ ނަގާ ކިޔާ ނޫސްކަމުގައި ވަނީ ވެފައެވެ. މިހެން މިކަން ވެފައި މިވަނީ ޗާންސަކުން ނުވަތަ 'ނަސީބަކުން' ކަމުގައި ދުށުމަށްވުރެ މިއީ ބަޔަކު ކަނޑައެޅިގެން ކުރި ގިނަ މަސައްކަތްތަކެއްގެ ސަބަބުން ވެފައިވާ ކަމެއްކަމުގައި ދެކުމަކީ ޙަޤީޤަތާއި ކައިރިވާނެއް ގޮތެއްކަމުގައި އަޅުގަނޑު ދެކެމެވެ. ޙަޤީޤަތުގައި އަޅުގަނޑު މި މަޒުމޫނުގައި ބަލާލަން ބޭނުންވީ މިކަން މިހެން މެދުވެރިވާން ދިމާވި ސަބަބުތަކާއި އަދި ދިވެހިންގެ ވިސްނުމާއި، އަދި ޚާއްޞަކޮށް ދިވެހިންގެ ސިޔާސީ އަދި އިޖްތިމާޢީ ހޭލުންތެރިކަމާއހުރި ގުޅުންތަކުގެ މައްޗަށެވެ. އަޅުގަނޑުމެންގެ ތެރެއިން ނޫސް ކިޔުއްވާ އުޅުއްވާ ބޭފުޅުންނަށް ރަނގަޅަށް އެނގިވަޑައިގަންނަވާނޭފަދައިން މިދިޔަ 5 އަހަރުގެ ތެރޭގައި ރާއްޖެއަށް މިއައި ބޮޑު ބަދަލު އަޔަ ނުދިނުމުގައި ހަވީރު ނޫހުން ޚާއްޞަ ރޯލެއް ކުޅެފައިވާކަން ފާހަގަ ކުރެއްވޭނެއެވެ. އަދި ދިވެހިންގެތެރެއިން ގިނަ ބަޔަކު މިއަދު ޤަބޫލުކުރާގޮތުގައި ދިވެހިންގެ ސިޔާސީ ހޭލުންތެރިކަން އެހާ ދަށް ފެންވަރެއްގައި މިހާ ގިނަ ދުވަހު އޮތުމުގައި އެންމެ ބޮޑު ރޯލެއް އަދާކުރިފަރާތަކީ ހަވީރެވެ. އަދި މިއީ ރޭވުމެއްގެ ދަށުން ކުރެވިފައިވާ 'ބޮޑު މަސައްކަތެއް'ކަމުގައި ދުށުމުގެ ވަރަށް ބޮޑު ޖާގައެއް އެބައޮތްކަމުަގއިވެސް ގިނަ ދިވެހިން މިއަދު ޤަބޫލުކުރެއެވެ. މިކަމުގެ ސަބަބުތަކަށް އަޅުގަނޑު ތިރީގައި ބަލާލާނަމެވެ. 'ހަވީރު' ނޫހުގެ މަސްއޫލުވެރިއަކީ މ. ކުއްޅަވައްގޭ ފަތުހުﷲ ޖަމީލުއާއި މައުމޫނު އަބްދުލް ޤައްޔޫމާއިއެކު މިސުރުގައި ކިޔަވަން އުޅުއްވި އިރުއްސުރެން ވަރަށް ގާތްކޮށް އުޅުއްވި ފަރާތެއްކަމުގައިވާ ޒާހިރު ހުސެއިނެވެ. އަދި މާލޭތެރޭގައި ވަރަށް ގިނަދުވަހު ވަރަށް ގިނަބައެއްގެ މެދުގައި ދެކެވުނު ވާހަކައެއްގައިވާގޮތުން، މި 3 ބޭފުޅުން (ޒާހިރު ހުސެއިން، ފަތުހުﷲ ޖަމީލު އަދި މައުމޫން އަބްދުލް ޤައްޔޫމް) ކިޔަވަން އެކުގައި މިސުރުގައި އުޅުއްވި އިރުއްސުރެން ފެށިގެންވެސް ވަނީ ދިވެހިރާއްޖޭގެ ވެރިކަން ހޯދަން ރާވާފައެވެ. އަދި މި ބޭފުޅުން ކިޔަވައި ނިމިގެން ރައްޖެއަށް ހަމަ އައުމާއެކު މި މަސައްކަތް ފައްޓައިފިއެވެ. ތާރީޚު ކިޔުއްވާ ބޭފުޅުންނަށާ އަދި މިހާރުވެސް ދުނިޔޭގައި ތިއްބެވި ވަރަށް ގިނަ ބޭބޭފުޅުންނަށް އެނގިވަޑައިންނަވާނޭފަދައިން މައުމޫން އަބްދުލް ޤައްޔޫމް ރާއްޖޭގެ ރައީސުލްޖުމްހޫރިއްޔާގެ މަޤާމަށް އިސްވުމަށްފަހު އެންމެ ފުރަތަމަ އެކުލަވާލެއްވި ކެބިނެޓުގައިވެސް ފަތުހުﷲ ޖަމީލާއި ޒާހިރު ހުސެއިން ހިމެނިވަޑައިންނަވައެވެ. އަދި މުހިންމު ދާއިރާތަކެއްގެ އެންމެ އިސްވެރިންގެ ގޮތުގައި، މިނިސްޓަރުންގެ ގޮތުގައި މިބޭފުޅުންވަނީ ގިނަ ޒަމާންތަކެއް ވަންދެން ސަރުކާރުގެ މިނިސްޓަރުން ނުވަތަ އެފެންވަރުގެ މަޤާމުތަކުަގއި ތިއްބަވާފައެވެ. އަދި އެންމެ ފަހުން މި ބޭފުޅުން މި މަޤާމުތަކުން ދުރުކުރައްވަން މައުމޫނަށް މަޖުބޫރު ވެވަޑައިގަތީ މިބޭފުޅުންގެ އަގު ރައްޔެތުންގެ ކުރިމަތީގައި މުޅީން ވެއްޓިގެންދިޔުމުންނެވެ. އަދި މިގޮތުންވެސް، ފަތުހުއްﷲ ޖަމީލުގެ އަގު ދިވެހި ރައްޔެތުންގެ ކުރިމަތީގައި ވެއްޔާއި މޮޑެވިގެން ދިޔަ ގޮތަކީ ތާރީޚުގައިވެސް ލިޔެވި އެކަމުން ދިވެހީންގެ މުސްތަޤްބަލުގެ ޖީލުތަކަށްވެސް މިސާލެއްގެ ގޮތުން ފުދޭނޭ ގޮތަކަށް ހިނގާދިޔަ ގޮތެކެވެ. އާދެ، ވީ ކިހިނަކުން ކަމުގައިތޯއެވެ؟ 30 އަހަރަށް ވުރެ ދިގު މުއްދަތެއްގައި ޚާރިޖީ ވަޒީރުކަމުގައި ހުންނެވުމުގެ އިތުރުން، ރައީސް މައުމޫން ވަނީ ފަތުހުއްﷲ ޖަމީލަށް ޢާމްދަނީ ލިބޭނޭ އެތައް މަގެއް ފަހި ކޮށްދެއްވާފައެވެ. ދިރާގުގެ ބޯޑް އޮފް ޑައިރެކްޓަރސްގެ ޗެއަރމަންގެ އިތުރުން ރިސޯޓެއް ހެދުމަށްޓަކައި މާލެ އަތޮޅުން ފަޅުރަށެއް ދެއްވާފައެވެ. މިހެން ކަން ހުރި ކަމުގައިވިޔަސް، މިވަރުންވެސް ނުފުދިގެން، ފަތުހުއްﷲ ވަނީ އޭނާގެ މަޤާމުގެ ނާޖާއިޒު ފައިދާ ނަންގަވާފައެވެ. މިގޮތުން ބްރޫނާއީގެ ރަސްގެފާނުގެ އަރިހުގައި އަމިއްލަ ފުޅު ޙައިޞިއްޔަތުން، ފަތުހުﷲގެ ހުންނަވާ ޚާއްޞަ އެހީއަށް ބޭނުންވެލައްވާ ފިރިހެން ދަރިފުޅަށް ބޭސް ކުރުމުގެ ނަމުގައި ވަނީ އެތައް ހާސް ޑޮލަރަކަށް 'ސަލާން ޖައްސަވާފައެވެ. މިކަން އޭނާ ކުރައްވަން އަމިއްލަފުޅު ނަމުގައި ހައްދަވާފައިވާ ލެޓަރހެޑެއްގައި ލިޔުއްވާފައިވާ ސިޓީއެއް ވަނީ ލީކު ވެފައެވެ. މީގެ އިތުރުން، ފަތުހުއްﷲއަކީ އާންމުކޮށް ބަނގުރާ ބޭނުންކުރައްވާ ބޭފުޅެއްކަމުގައި މާލޭ ތެރޭގައި ވަނީ އަޑު އަރާފައެވެ. އެހެންނަމަވެސް އޭނާގެ މި ލާދީނީ އަދި ޣައިރު ޤާނޫނީ ޢަމަލާމެދު ސުވާލެއް ކުރާނޭ ދިވެހި ސިފައިންގެ މީހެއް ނުވަތަ ޕޮލިހެއް ނުވަތަ ދީނީ ކަންކަމާއިބެހޭ ވުޒާރާއެއްގެ އެންމެ މީހަކުވެސް ހުރި ކަމަކަށް ނުވިއެވެ. އެންމެ ފަހުން މިކަންވެސް ފަޅާއަރަން ދިމާވީ ވަރަށް ލަދުވެތި ގޮތަކަށެވެ. ހަމައެކަނި ފަތުހުއްﷲ އަކަށް ނޫނެވެ. އެކަމަކު އޭނާގެ ޢާއިލާއާއި އޭނާގެ ކާބަފައިން ކުރައްވާފައިވާ ރީތި މަސައްކަތްތަކަށްވެސް ކިލަނބު ކަމާއި ހުތުރު ނަން ގެނެސްދިން ފަދަ ގޮތަކަށެވެ. އާދެ، ފަތުހުއްﷲގެ އަމިއްލަ ރިސޯޓު 'ކަނޑޫމާ'ގައި އޭނާގެ އަނބި ކަނބަލުންނާއި، ދަރިކަލުންނާއި އަދި ސަރުކާރު މުވައްޒަފުންވެސް ހިމެނޭ ރައްޓެހިންނާއެކު ބަނގުރާ ހިތްޕަވާ ޑިސްކޯގައި ނައްޓަވަން ހުއްޓާ ނަގާފައިވާ ފޮޓޯތަކެއް އަނެއްކާވެސް މީޑިއާއަށް ލީކުވެގެންނެވެ. ފަތުހުއްﷲ އާއި ޒާހިރު ހުސެއިންވެސް ދައުލަތުގެ ވަޒީރުކަމުން ވަކި ކުރެއްވުމަށް މައުމޫނު އަބްދުލް ޤައްޔޫމަށް މަޖުބޫރު ވެވަޑައިގެންނެވީ މި ދެންނެވި ފޮޓޯތައް ލީކުވީ ދުވަސްވަރުއެވެ. ފަތުހުއްﷲއާއި ޚިލާފަށް ޒާހިރު ހުސެއިން ބަނގުރާ ހިތްޕަވާ ވާހަކަ ބަޔަކު ދައްކަނިކޮށް އަޅުގަނޑަކަށް އިވިފައެއް ނުވެއެވެ. ނުވެއެވެ. އެހެންނަމަވެސް، އޭނާ ކުރައްވާ އެހެން އެތައް ވިޔާނުދާ ކަމެއް ވެއެވެ. އެންމެ ބޮޑު ކަމަކީ އޭނާގެ މަސްއޫލުވެރިކަމުގެ ދަށުގައިވާ 'ހަވީރު' ނޫސް ބޭނުންކުރައްވައިގެން ރައްޔެތުން ޤައުމުގެ ކަންކަމުގެ ޙަޤީޤަތް އޮޅުވާލުމަށް އަދި ވަކީން ޚާއްޞަކޮށް މައުމޫނުގެ ސަރުކާރުގެ ޙަޤީޤަތް އޮޅުވާލުމަށް ކެނޑިނޭޅި ކުރައްވާ މަސައްކަތްތަކެވެ. ހަވީރުގެ އޮފީސް މިއަދުވެސް ހުންނަނީ 'އަލް ޚައިރިއްޔާ' ނަމަކަށް ކިޔާ ޖަމިއްޔާއެއް ހިންގުމަށްޓަކައި ސަރުކާރުން ހިލޭ ދެއްވާފައިވާ ބިމެއްގައެވެ. މީގެ އިތުރުން، ނޫސް ހިންގުމަށްޓަކައި ޤަވާޢިދުން ފައިސާގެ އެހީ ވެއެވެ. އަދި ސަރުކާރުގެ ހުރިހާ އިދާރާތަކަކުންވެސް ހަވީރު ނޫހަށް އިޝްތިރާކް ދިނުމަށް ބާރުއަޅާފައިވެއެވެ. ޒާހިރު ހުސެއިން ސަރުކާރުގެ މިނިސްޓަރެއްގެ މަޤާމުގައި ހުންނަވައިގެން ވިޔަފާރި ކުރެއްވިއެވެ. 'ހަވީރު' ނޫސް މެދުވެރިކޮށް އެކަންޏެއް ނޫނެވެ. މާ ވިއްކުމުގެ ވިޔަފާރިއަކާއި ކޭބަލް ޓީވީގެ ޚިދްމަތްދޭ ވިޔަފާރިއެއް މިހާރުވެސް ހިންގަވައެވެ. މީގެ އިތުރުން، ދިވެހިންނަށް ބޮޑެތި ގެއްލުންތަކާއި ކުރިމަތިވާފަދަ ސިޔާސަތުތައް ތަންފީޒު ކުރައްވަން އުޅުއްވިކަމަށް ވެއެވެ. މިގޮތުން އޭނާ ގެންގުޅުއްވި އެއްވިސްނުމެއްގައިވާގޮތުން ދިވެހިންގެތެރޭގައި މާބޮޑަށް ކިޔަވައިގެން ތިބި މާގިނަ ބަޔަކު ބޭނުމެއް ނުވެއެވެ. އެހެންކަމުން ޖޭ.އެސް.ސީ.ގެ ނަމުގައި ގްރޭޑް 7ން އިމްތިޙާނެއް ތަޢާރަފް ކުރިއެވެ. ބޭނުމެއްކަމުގައިވީ މި އިމްތިޙާނުން ފާސްނުވާ ހުރިހާ ކުދިން ސްކޫލުން ވަކި ކޮށް، އެކިއެކި ޢަމަލީ މަސައްކަތްތަކަށް އަހުލުވެރު ކުރުވުމެވެ. އާދެ، އަޅުގަނޑަށްވެސް އެނގެއެވެ. އަމަލީ މައިދާނަކީވެސް ޢިލްމީ މައިދާނުހާ މުހިންމު މައިދާނެކެވެ. އެހެންނަމަވެސް، ޢިލްމީ މައިދާނުގައި ކުރިއަށް ދިޔުމަށް ކުދީންނަށް ދެވެން އޮތް ހުރިހާ ފުރްޞަތެއް ސަރުކާރުން ފަހިކޮށްދިނުމަކީވެސް ކުރަންޖެހޭ ކަމެއްކަމުގައި އަޅުގަނޑު ދެކެމެވެ. އަދެ، ކަންތައްތައް މިހެންވަމުން ދިގު ޒަމާނެެއް ދިޔައީއެވެ. އަދުގެ ދުނިޔޭގައި ކުރިއަރާފައިވާ މުޖްތަމަޢުތައްކަމުގައި ދުނިޔެ ޤަބޫލުކުރާ މުޖްތަމަޢުތަކުގައި ނޫސްވެރިން – ނުވަތަ ޢާންމުކޮށް މީޑިއާ: ޓީވީ، ރޭޑިއޯ އަދި މިނޫންވެސް ޚަބަރު ފަތުރާ ވަޞީލަތްތައްވެސް ހިމެނިގެން – ބަލައިގަނެފައިވަނީ އެއީ ޑިމޮކްރެސީގެ އެއް ތަނބުކަމުގައެވެ. އާދެ، މުޖްތަމަޢުގައި ހިނގާ، އެ މުޖްތަމަޢުއަކަށް އެންމެ ރަނގަޅު ނޫން ކަންތައްތައް ފާހަގަކޮށް، އާންމުންނާއި ކަންކަމަށް ބާރު ފޯރުވޭ ހިސާބުގައި ހަމަޖެހިފައިތިބި ފަރާތްތަކުގެ ސަމާލުކަމަށް ކަންކަން ގެނެސްދޭ ބައެއްގެ ގޮތުގައެވެ. އަދި ވަކީން ޚާއްޞަގޮތެއްގައި ރައްޔެތުންގެ ބަހަކާއިއެކު، ނުވަތަ، ރައްޔެތުންގެ ވޯޓަކާއެކު އެކިއެކި މަޤާމުތަކުގައި ވެޑުވިގެން ތިއްބަވާ ފަރާތްތަކުން، ރައްޔެތުންގެ ނަމުގައި ކުރައްވާ ކަންތައްތަކަށް ފާރަލާ އެކަންކަމުގައި ހުންނަ ނުތާހިރު ސިފަތަށް ފިލުވުމަށްޓަކައި ފާޑުކިޔާ ބައެއްގެ ގޮތުގައެވެ. މިމޭރުމުން އަޅުގަނޑުމެން 'ހަވީރު' ނޫހާމެދު ވިސްނާލާއިރު އަޅުގަނޑުމެންނަށް ފެންނަނީ މިދެންވި ކަންތައްތަކާއި މުޅީން އިދިކޮޅު ގޮތަކަށް ޙަރަކާތްތެރިވާތަނެވެ. އަދި މިސަބަބައްޓަކައި 'ހަވީރު' ނޫސް އެފެއްދި މަޤްޞަދާއިމެދުވެސް ސުވާލު އުފެދެއެވެ. އާދެ، މިދެންނެވީ 'ހަވީރު' ނޫސް އުފެއްދިފައިވަނީ ސިޔާސީ މަޤްޞަދެއްގައެވެ. މައުމޫން އަބްދުލް ޤައްޔޫމް ވެރިކަމަށް ގެނެސް އޭނާގެ ވެރިކަން ދެމެހެއްޓުމަށްޓަކައެވެ. މިކަމުގައި ކިތަންމެ ވަރަކަށް ހަޤީޤަތް އޮޅުވަންޖެހުނު ނަމަވެސްއެވެ. މިކަން އަޅުގަނޑުމެންނަށް މިހާރު މިއޮތީ ވަރަށް ރަނގަޅަށް އެނގޭށެވެ. 30 އަހަރު ދިގުދެމިގެންދިޔަ މައުމޫނުގެ ވެރިކަމުގައި ހިނގި ޚިޔާނާތިގެ މައްސަލަތައް 'ހަވީރު'ން ރިޕޯޓުކޮށްފައިހުރީ ހަމައެކަނި ހަވީރުގެ މަސްއޫލުވެރިޔާގެ ސިޔާސީ މަޤްޞަދުތައް ޙާޞިލްވާނެގޮތުގެ މަތިންނެވެ. މިގޮތުން އެފް.ޕީ.އައި.ޑީ.ގެ މައްސަލައިގައި މ. އެންދެރިމާގޭ އިލްޔާސް އިބްރާހީމް ފަޟީޙަތް ކުރުމުަގއި 'ހަވީރު' އަދާކުރި ރޯލު ފާހަގަ ކޮށްލެވެއެވެ. އަދި މައުމޫނުގެ ވެރިކަމުގެ ދިގު 30އަހަރުގައި ދިވެހި ޖަލުތަކުގައި ކުރި އަނިޔާތަކުގެ ވާހަކަ ބައިނަލް އަޤވާމީ ޖަމާޢަތްތަކާއި ބައިނަލް އަޤްވާމީ ނޫސްވެރިން ދައްކާތާ އެތައް އަހަރެއްވީއިރުވެސް 'ހަވީރު'ން ޗުއްޕު ކިޔައިގެން ތިބިކަމެވެ. އަދި މިކަން އެންމެ ފަހުން ދިވެހިންނަށް ކެތް ނުކުރެވޭ ހިސާބަށް ދިޔައީ މާފުށީ ޖަލުގައި ސިފައިން ބަޑިޖަހައިގެން ބަޔަކު މަރުވެގެން ޢާންމުން މަގުތަކަށް ނިކުމެ މުޒާހަރާ ކޮށްގެންނެވެ. ދެން އޭގެ ފަހުން މިވީ 5 އަހަރުގައި ކަންތައްތައްވީގޮތް އަޅުގަނޑުމެން އެނެްމެންނަށް ވަރަށް ސާފުކޮށް މިއޮތީ ފެންނާށެވެ. ދިވެހިންގެ ރައްޔެތުންގެ މަޖިލީހުން ރާއްޖޭގައި ސިޔާސީ ޕާޓީ ހިންގަން ހުއްދަ ދިނުމާއެކު މައުމޫނު ސަރުކާރުގެ ހިފެހެއްޓުމުން ބޭރުވެގެން ސިޔާސީ ޙަރަކާތްތަކުގައި ބައިވެރިވާން ފަށައިފި، ޖެހިގެން އައި ރިޔާސީި އިންތިޚާބުން މިއޮތީ މައުމޫން އަބްދުލް ޤައްޔޫމް ފޭލިކޮށްލާފައެވެ. ރައްޔެތުން މައުމޫނު ބަލައިނުގަންނަކަން މިއޮތީ ވަރަށް ރަނގަޅަށް ސާފުކޮށް އެނގޭށެވެ. އެހެންނަމަވެސް އަދި 'ހަވީރު'ގެ ލިޔުންތެރިން މިތިބެނީ މާޔޫސް ކަމެއްގެ ވިލާގަނޑެއްގެ ދަށުގައެވެ. އަދި އަލަށް ދިވެހިންނަށް ސާފު ދިރިއުޅުމެއް އުޅެން ލިބުނު ފުރްޞަތުވެސް ގެއްލޭނެފަދަ ގޮތަކަށް 'ހަވީރު'ގެ ލިޔުންތައް ފެންނަމުން ދާތީ ދިވެހިންގެ ގިނަ ބަޔަކު މިއަދު ހިތާމަކުރެއެވެ. ބޭކާރު ހަމަނުޖެހޭ ލިޔުންތައްވެސް ލިޔެނީއެވެ. މައުމޫނު ރައްޔެތުންގެ މަޖިލީހަށް ހޮވާފައިތިބި މެމްބަރުން އާ ރައީސުލްޖުމްހޫރިއްޔާ ބަދަލުކުރެއްވުމާއި ގުޅިގެން އެކަމަށް ފާޑު ކިޔާފައިވަނީ ބުއްދީގެ ހަަމަތަކުން ބޭރުންނެވެ. އަދި އެންމެ ފަހުން މައުމޫނު ބައިތިއްބާފައިދިޔަ 'ސިޔާސީ' މަޤާމުތަކުގައި ތިއްބެވި ބޭފުޅުން އިސްތިއުފާ ދެއްވަންޖެހޭ މައްސަލައިގަވެސް، 'ހަވީރު'ން ވަކާލާތުކުރައްވަނީ އެކަން ހަޖަމުކުރަން ދަތި ގޮތަކަށެވެ. ޤައުމުގައި މިއަށްވުރެ މާ މުހިންމު މައްސަލަތައް ހުރިއިރުގައިވެސް، އަދިވެސް ކޫސަނި ޝަކުވާ ކުރާތީ، 'ހަވީރު'ގެ ލޔުންތެރިންނަށް އަޅުގަނޑަށް ވެވެނީ ޙަމްދަރްދީއެވެ. މާތް ﷲ އެމީހުންނަށް ތެދުމަގު ދައްކަވާށިއެވެ! އާމީން!

ޚިޔާނަތްތައް ބައްލަވާދިނުމަށް އެދި ގޮވާލާ މުޒާހަރާ ކުރަން ނިންމައިފި.

ނިއު ދިވެހި އޮބްޒާވަރ މައުމޫނުގެ ސަރުކާރުން ހިންގާފައިވާ ޖަރީމާތަކާއި ވެފައިވާ ޚިޔާނަތްތައް ބައްލަވާދިނުމަށް އެދި ގޮވާލާ މުޒާހަރާ ކުރަން ނިންމައިފި. މައުމޫނުގެ 30އަހަރުގެ ދިގު ވެރިކަމުގައި ހިންގާފައިވާ ޖަރީމާތަކާއި ވެފައިވާ ޚިޔާނާތްތައް ބައްލަވައި ދެއްވުން އެދި މިއަދުގެ ރައީސް ނަޝީދުގެ ސަރުކާރަށް ގޮވާލުމުގެ ގޮތުން މުޒާހަރާއެއް ކުރުމަށް ޢާއްމުންގެ ފަރާތްތަކެއް ގުޅިގެން މަސައްކަތް ކުރަމުންދާ ކަމަށް ނިއު ދިވެހި އޮބްޒާވަރަށް އެފާރާތުން ކަށަވަރު ކޮށްދީފިއެވެ. އެފަރާތުން ހާމަ ކުރައްވާ ގޮތުގައި ރައީސް މައުމޫނުގެ ސަރުކާރުން ހިންގާފައިވާ ޖަރީމާތައް ނުބައްލަވާ، ދަޢުލަތުގެ ޚަޒާނާއަށް ވެފައިވާ ޚިޔާނަތްތައް ނުބައްލަވާ، މިއަދުގެ ސަރުކާރުން މައުމޫނުގެ އަނިޔާވެރިކަން ހިންގަން ތިބި މީހުންނާއެކު ސަރުކާރު ހިންގަން އުޅުއްވާނަމަ، މިސަރުކާރަކީ ވެސް ކުރީގެ ޚުދުމުޚުތާރު އަނިޔާވެރި ސަރުކާރަކަށް ވުމުގެ ފުރުޞަތު އެބައޮތެވެ. އަދި މަރުޙޫމް އިބްރާހިމް ނާޞިރާމެދު މިއަދުވެސް އެތައްބަޔަކު ނުރުހުން ފާޅުކުރަންޖެހެނީ މައުމޫނުގެ ސަރުކާރުން އެމީހުންނަށް އިންސާފު ހޯދަ ނުދެވުނީމަ ކަމަށާއި މައުމޫނުގެ ސަރުކާރުން އެކަމާ ޒިންމާ އުފުއްލަން ޖެހޭނެ ކަމަށާ މީގެ އިތުރުން ފާޅުކަން ބޮޑުގޮތެއްގައި ހިންގާފައިވާ ބޮޑެތި ޖަރީމާތަކަށް މިއަދުގެ ސަރުކާރުން އިންސާފު ހޯދަ ދޭންޖެހޭނެކަމަށް ޤަބޫލު ކުރާކަމަށް އެފަރާތުން ހާމަކުރެއެވެ. މަރުޙޫމް ޙުސައިން ޞޮލާޙަކީ މީގެ ސާފު ސީދާ ހެއްކެއްކަމާ، އޭނާއަކީ ދަޢުލަތުގެ ޙިމާޔަތުގައި ވަނިކޮށް މަރާލާ މޫދަށް އެއްލާލި މީހެއްކަމާ، މައުމޫނުގެ މުޅި ސަރުކާރުން މިކަން ސިއްރުކުރުމަށް ހެދި ދޮގޮތަކަކީ އާދައިގެ ވަކި ފަރުދަކަށް ބެލޭނެ ކަމެއްނޫންކަމަށް އެފަރާތުން ހާމަކުރެއެވެ. އަދި ވަރަށް ޚާއްޞަކޮށް ޙުޞައިން ޞަލާޙުގެ މަރުގެ ތުހުމަތު އެޅިފައިވަނީ ދިވެހި ދަޢުލަތުގައި ކަމުން މިކަން އަލުން ތަޙުޤީޤް ކޮށް ޙުސައިން ޞޮލާޙުގެ ޢާއިލާއަށް އިންސާފު ހޯދަދިނުމުގެ ބޮޑު މަސްއޫލިއްޔަތު އެޅޭ ފަރާތަކީ މިއަދުގެ ދިވެހި ސަރުކާރު ކަމަށް ޔަޤީން ކުރާކަމަށް އެފަރާތުން ހާމަކުރެއެވެ. އަދި މިއީ މިފަދަ އެންމެ ޙާދިޘާއެއް ނަމަވެސް މިފަދަ އެތައް ޙާދިޘާއެއް އެބަހުރިކަމަށް އެފަރާތުން ޔަޤީންކުރެއެވެ. ރައީސް ނަޝީދުވިދާޅުވާ ހެޔޮވެރިކަން މިޤައުމުގައި އުފެއްދޭނީ މި ދިވެހި ދަޢުލަތުގެ ޚަޒާނާއިން ވައްކަންކުރި ވަގުން ހޯދައިގެން ކަމަށާއި އެއީ ފަހަތަށް ބެލުންކަމަށް ނުދެކޭ ކަމަށާ ކުރިޔަށް ދިއުމަށް މިއަދު މަގުގައިވާ ހުރަސްތަކަކީ މިބައިމީހުންކަމަށާ މިހުރަސްތައް ނައްތާލަން އެބަޖެހޭ ކަމަށް ޤަބޫލުކުރާތީ މިކަންކަމަށް ގޮވާލުމަށް ނުކުންނަނީ ކަމަށް އެފަރާތުން ހާމަ ކުރެއެވެ. މިގޮތުން ކުރާ މުޒާހަރާ ކުރަން މިހާރު ވިސްނާފައިވަނީ މި އަންނަ ހުކުރު ދުވަހު (5-12-2008) ކަމަށާ މިކަން އިންތިޒާމް ކުރަމުންދާއިރު މިކަމާބެހޭ މަޢުލޫމާތު އެކި ސިފައިގައި ރައްޔިތުންނަށް ފޯރު ކުރަމުން ގެންދާނެކަމަށް އެފަރާތުން ހާމަކުރެއެވެ. މި މުޒާހަރާގައި ތެދުވެރި ކަމާއެކު މި އިޞްލާޙަށް މަސައްކަތްކުރި އެންމެހާ އިޞްލާޙީން ބައިވެރިވެދެއްވުމަށް އެފަރާތުން ގޮވާލައްވައެވެ.